פרק קכו

א שִׁיר הַמַּעֲלוֹת בְּשׁוּב יְהוָׁה אֶת־שִׁיבַת צִיּוֹן הָיִינוּ כְּחֹלְמִים;
ב אָז יִמָּלֵא שְׂחוֹק פִּינוּ וּלְשׁוֹנֵנוּ רִנָּה אָז יֹאמְרוּ בַגּוֹיִם הִגְדִּיל יְהוָׁה לַעֲשׂוֹת עִם־אֵלֶּה;
ג הִגְדִּיל יְהוָׁה לַעֲשׂוֹת עִמָּנוּ הָיִינוּ שְׂמֵחִים;
ד שׁוּבָה יְהוָׁה אֶת־ שְׁבִותֵנוּ שְׁבִיתֵנוּ כַּאֲפִיקִים בַּנֶּגֶב;
ה הַזֹּרְעִים בְּדִמְעָה בְּרִנָּה יִקְצֹרוּ;
ו הָלוֹךְ יֵלֵךְ | וּבָכֹה נֹשֵׂא מֶשֶׁךְ־הַזָּרַע בֹּא־יָבוֹא בְרִנָּה נֹשֵׂא אֲלֻמֹּתָיו;